Nəvai anasının arzusuna görə 29 milyonundan keçdi -
Rusiyada fəaliyyət göstərən azərbaycanlı repçi Navai (Nəvai Bəkirov) yeni bahalı avtomobil alıb.
“Qafqazinfo” xəbər verir ki, bu barədə o, instaqram hesabında məlumat verib.
26 yaşlı repçi 2018-ci ilin “Rolls-Royce Dawn Black Badge” markalı avtomobili anasının arzusu olduğu üçün aldığını bildirib.
“Anam hər zaman kabrioletdə gəzməyi arzulayırdı. Ona görə aldım”, - deyə Navai yazıb. Qeyd edək ki, avtomobilin Rusiyada qiyməti 29 milyon 900 min rubldur (təxminən 690 min manat).
