“Azadlıq-2015” seçkini boykot etməyəcək – Partiyaların qərarı
“Azadlıq-2015” bloku parlament seçkilərində iştirak edib-etməməsi məsələsinə yenidən baxacaq.
Bu barədə AzNews.az-a bloka daxil olan Vətəndaş və İnkişaf Partiyasının sədri Əli Əliyev deyib. Partiya sədri qeyd edib ki, “Azadlıq-2015” blokunun bu günə təyin olunan iclasında seçkilərin boykot edilməsi məsələsi müzakirə olunub: “Partiyalar bu məsələni ayrı-ayrılıqda müzakirə edib. Onların əksəriyyətinin ümumi rəyi belə oldu - parlament seçkilərində iştirak edək. Amma boykot məsələsinə yenidən baxılacaq”.
Ə.Əliyev qeyd edib ki, əsas narazılıqlar namizədlərin qeydəalma prosesində başlayır: “Ona görə də belə qərara alındı ki, namizədlərin qeydəalma mərhələsi izlənilsin, yaranan vəziyyət dəyərləndirilsin və sonra qərar verilsin”.
