Fikrət Yusifovun yazılarını oxumuram - vaxtıma heyfim gəlir
ADR hərəkatının sədri, iqtisadi ekspert Qubad İbadoğlu musavat.com-a açıqlamasında sabiq maliyyə naziri Fikrət Yusifovun çox saylı ittihamlarına çox qısa cavab verib. Q.İbadoğlu bildirib: “Mən Fikrət Yusifovun yazılarını oxumuram. Çünki vaxtıma heyfim gəlir. Ondan olsa dünya bazarında neftin qiymətinin ucuzlaşmasını da mənimlə bağlayar. Mən o qədər də fövqdəladə gücə malik deyiləm ki, dünyanın nəhəng təşkilatı yalnız mənim fikrim əsasında qərar qəbul etsin”.
Qeyd edək ki, F.Yusifov bildirib ki, aprelin 15-də Konqo Respublikasının paytaxtı Brazzavildə keçirilən "Mədən Sənayesində Şəffaflıq Təşəbbüsü" (MSŞT) üzrə beynəlxalq İdarə Heyətinin 29-cu toplantısında məhz Q.İbadoğlunun təkidi və səyi ilə Azərbaycanı bu təşkilata həqiqi üzv statusundan məhrum edən və "namizəd ölkə" statusuna endirən qərar qəbul edildi.
