Ziyalılar Forumu niyə toplantı keçirmir?
“Ziyalılar Forumunun hazırda yığışaraq heç bir toplantı keçirməməsinin səbəbləri var”.
Bunu AzNews.az-a Ziyalılar Forumunun üzvü Eldəniz Quliyev deyib. O, birinci səbəb kimi qurumun yaradıcılarından olan Rüstəm İbrahimbəyovun Azərbaycanda olmamasını göstərib: “Rüstəm İbrahimbəyov məlum səbəblərdən Bakıya gələ bilmir. Qurumun bəzi üzvləri Milli Şurada təmsil olunurlar, bəzi üzvləri Azərbaycandan kənardadırlar. Onun üçün yığışmaq olmur. Amma ayrı-ayrılıqda hər kəs öz ziyalılıq funksiyasını yerinə yetirir”.
E.Quliyev qeyd edib ki, qısa müddət ərzində Ziyalılar Forumu kifayət qədər lazımlı işlər görüb: “Xalqa müraciətlər edib. Ziyalılar Forumunun köməkliyi ilə Milli Şura yaranıb. Bu qurum hazırda fəaliyyətini davam etdirməsə də onun vaxtında səpdiyi toxumlar cücərir. Bu, ancaq Azərbaycan dövlətçiliyinin xeyrinə olan bir təşkilatdır. Onun üçün hazırda Ziyalılar Forumunun yığışıb-yığışmamasının həlledici əhəmiyyəti yoxdur”.
