“Jurnalistika fakültəsinə keçid balı 200 deyil“ - TQDK
“Jurnalistika fakültəsi üçün keçid balının 200 olması haqqında səsləndirilən fikirlər yanlışdır”. Bu barədə AzVision.az-a Tələbə Qəbulu üzrə Dövlət Komissiyasının nümayəndəsi Xanlar Xanlarzadə deyib. TQDK rəsmisi qeyd edib ki, 200 bal Jurnalistika fakültəsi üçün müəyyən edilmiş minumum müsabiqə şərtidir.
“Keçid balını abirutiyentlərin nəticələri müəyyənləşdirəcək. Keçid balı yuxarı da ola bilər. Nəticələr açıqlandıqdan sonra Jurnalistika fakültəsi üzrə iyulun 29-da qabiliyyət imtahanı keçiriləcək. İmtahandan keçənlər ərizələrini təsdiq etdirdikdən sonra həmin ixtisas üzrə keçid balının neçə olacağı müəyyən ediləcək. Amma Jurnalistika fakültəsinə minimal müsabiqə şərti 200 baldır və hər bir fənn üzrə nisbi bal (10) ödənməlidir”.
X.Xanlarzadə qeyd edib ki, əgər hər hansı bir dəyişiklik olarsa bu haqda ictimaiyyətə məlumat veriləcək. Qeyd edək ki, bu il Jurnalistika fakültəsi üçün keçid balının 200 olması haqda sosial şəbəkələrdə məlumat yayılıb.
