Aİ Azərbaycanın aqrar sektoruna dəstəyini davam etdirəcək
Avropa İttifaqı (Aİ) Azərbaycanın aqrar sektoruna dəstəyini davam etdirəcək. Trend-in məlumatına görə, bunu Bakıda Aİ-nin Azərbaycandakı səfiri Malena Mard elektron kənd təsərrüfatına həsr olunmuş seminarda bildirib. O deyib: "Biz ərzaq təhlükəsizliyinə böyük önəm veririk və bu sahədə Azərbaycanla təcrübəmizi bölüşməyə hazırıq".
M.Mard qeyd edib ki, elektron kənd təsərrüfatının vacib komponentlərindən biri subsidiyaların idarə edilməsidir: "Aİ bu məsələdə böyük təcrübəyə malikdir. Lakin biz də hansısa məqamlarda səhv edə bilərik və buna görə də Azərbaycandan nəyisə öyrənməliyik. Biz Azərbaycanla bərabərhüquqlu tərəfdaşlar kimi işləyə bilərik".
