Fazil Mustafa ikinci dəfə əməliyyat olunub

Fazil Mustafa ikinci dəfə əməliyyat olunub

Ötən gün evinin qarşısında silahlı hücuma məruz qalan millət vəkili Fazil Mustafa bu gün ikinci dəfə əməliyyat olunub.

Bu barədə “Qafqazinfo”ya deputatın köməkçisi Əjdər Əliyev məlumat verib.

O qeyd edib ki, F. Mustafa əvvəlcə Kliniki Tibbi Mərkəzdə əməliyyat olunub. Lakin çiyin nahiyəsindən aldığı yarada yarana biləcək problem səbəbindən növbəti dəfə əməliyyat edildi: “Çünki çiynindəki yarada problem yarana bilərdi. Bu səbəbdən ikinci dəfə köçürüldüyü digər klinikada əməliyyat olundu. Hazırda əməliyyatdan çıxıb və səhhətini normal hesab eləmək olar. Özünü yaxşı hiss edir”.

Qeyd edək ki, deputat Fazil Mustafa ötən gün saat 21:51 radələrində paytaxtın Sabunçu rayonu, Zabrat qəsəbəsindəki evinin qarşısında güllələnib. “Kalaşnikov” avtomatı ilə açılan atəş nəticəsində deputat bədənin sağ çiyin qurşağını və sağ budun aşağı üçdə birini dəlib keçən güllə yarası alıb.


Twitter Facebook Myspace Stumbleupon Technorati blogger google
428 dəfə oxundu
 



XƏBƏR LENTİ
Loading...