"Ermənistanın nicat yolu Sarkisyyanın istefasındadır" - Ahoran Adibekyan
"Mən bunu dəfələrlə qeyd etmişəm, Sarkisyan bu ölkəni 10 il geri salıb".
Hafta.az-ın verdiyi xəbərə görə, bunu Armtoday-a açıqlamasında Vahid Ermənistan blokunun həmsədri Ahoran Adibekyan deyib. Adibekyan bildirib ki, hazırki diktatura rejimi ölkəni uçuruma aparan zalim əjdahaya bənzəyir:
"Son bir ildə ölkədə 17 orta məktəb təmirsizlik üzündən bağlanıb. Bu orta hesabla 6000 şagirdin təhsilsizliyi deməkdir. Səhiyyəmiz hələ də doxsanıncı illərdə qalıb. Orduda rüşvət baş alıb gedir. Bütün bunların altından qalxmaq ölkənin on ilini alacaq. Sizin Serj isə öz malikanələrini sıralayır".
