Biz pul verdik, silahları Baş Qərargah aldı - Paşinyan
Ermənistan Müdafiə Nazirliyi və Baş Qərargahı hansı silahı almağı özləri qərarlaşdırıblar, hökumət yalnız pul ayırıb.
Axar.az xəbər verir ki, bunu Ermənistan Baş naziri Nikol Paşinyan deyib. Onun sözlərinə görə, 2020-ci ildə Müdafiə Nazirliyi büdcədən 620 milyon dollar əldə edib:
“Bu, 2018-ci ildən 28% çox olub. Pullar silah və sursat alışına xərclənib”.
Qeyd edək ki, Baş Qərargahın ötən gün Nikol Paşinyanın istefasını tələb edən bəyanat yaymasından sonra ölkədə siyasi gərginlik başlayıb.
