Göz sağlamlığı üçün ən faydalı qidalar hansılardır?
Yeniavaz.com xəbər verir ki, bu barədə gazeta.ru-ya oftalmoloq, t.ü.f.d. Svetlana Mirqorodskaya danışıb.
O, xüsusilə A vitamininin orqanizmə adekvat qəbulunun vacibliyinə diqqət çəkib:
“Yumurta, soyuq şimal dənizlərinin balıqları, kərə yağı, qaraciyər və süddə A vitamini (retinol) təmiz formada var. Pomidor, kök, ərik, xurma kimi parlaq qırmızı və narıncı rəngli bitki qidalarından, həmçinin yarpaqlı göyərtilərdən (kərəviz, cəfəri, yabanı sarımsaq) karotin şəklində A vitamini ala bilərik”.
Həkim qeyd edib ki, taxıllardan (bütün çörək və ya tam taxıl unu), ətdən, qaymaqdan və banandan göz sağlamlığı üçün çox vacib olan B vitaminlərini (B1, B2, B6, B12) almaq olar:
“P (rutin) və C (askorbin turşusu) vitaminlərini unutmamaq vacibdir. Onlar sitrus meyvələrində, moruqda, gilasda, böyürtkəndə, üzümdə, qara qarağatda, itburnuda, bolqar bibərində, paprikada, kələmdə, pomidorda, kartofda və limonda olur. E vitaminini (tokoferol) isə qoz-fındıq, rafinə edilməmiş bitki yağları və yarpaqlı göyərtilərdən əldə etmək olar”.
Bundan əlavə, həkim dəniz balıqları və şampinonların tərkibində D vitamini ehtiyatı (kalsiferol) olduğunu bildirib:
“Başa düşmək lazımdır ki, o, əsasən yaz-yay mövsümündə günəş işığına məruz qaldıqda insan dərisi tərəfindən yığılır.
Amma göz sağlamlığı üçün təkcə vitaminlər deyil, həm də mikroelementlər lazımdır. İstiridyə, karides (krevet), quzu, mal əti, balqabaq toxumu, şam qozası, lobya, noxud, fıstıq və göbələklərdə sink tapa bilərik. Lutein və zeaxanthin - ispanaq, brokoli, balqabaq, yaşıl noxud, lobya, qarğıdalı, xurmada. Antioksidant olan antosiyaninlər isə aronia, acai giləmeyvələrində, qara qarağat, qaragilə, zoğal, böyürtkən və moruqda olur.
Beləliklə, pəhriziniz nə qədər müxtəlifdirsə, göz sağlamlığı üçün bir o qədər çox fayda var.
Ancaq bir növ məhdudlaşdırıcı pəhrizə əməl edirsinizsə, o zaman qan testləri aparmağa, vitamin çatışmazlığını müəyyən etməyə və bir mütəxəssisin köməyi ilə aptek vitamin kompleksləri və ya qida əlavələri seçməyə dəyər”.
