Şuşada Novruz şənlikləri keçiriləcəkmi? – RƏSMİ AÇIQLAMA
Maraqlıdır, 30 ilə yaxın bir müddətlik işğal dövründən sonra Şuşada yenidən Novruz şənlikləri təşkil oluna bilərmi?
Mədəniyyət Nazirliyinin mətbuat xidməti Cebhe.info-nun bu barədə sorğusunu cavablandırıb.
Qurumdan bildirilib ki, Şuşada bayram şənlikləri keçirilməyəcək:
“Belə ki, mövcud şəraiti, davam edən bərpa işlərini nəzərə alaraq, Şuşada cari ildə Novruz şənliklərinin təşkili nəzərdə tutulmayıb”.
Qeyd edək ki, Azərbaycan əsilli dünyaca məşhur fotoqraf Rza Diqqəti də "Tvitter" hesabında paylaşımında Cıdır düzündə Novruz şənliklərinin keçirildiyini xatırladıb:
"Cıdır düzü, Şuşa, Qarabağ. Qarabağ tarixən dağları və atları ilə məşhur olub. Şuşadan yuxarıdan yerləşən Cıdır düzü Qarabağ xanlığında əsas şənlik yeri idi. Burada milli idman növü olan cıdır yarışları və Novruz şənliyi keçirilib".
