Nazir işləyəcəyini dedi, amma bağçalar bağlıdır

Nazir işləyəcəyini dedi, amma bağçalar bağlıdır
Bir neçə gündür ki, Azərbaycanda bağçaların bağlanması ilə bağlı müəmma davam edir.

“Qafqazinfo” xəbər verir ki, Bakı, Abşeron, Sumqayıt, Gəncə, Şəkidə məktəblərin aprelin 5-də bağlanacağı ilə bağlı qərar verilən gün Təhsil Nazirliyi bağçaların işləyəcəyini açıqladı. Növbəti gün isə bağçaların da məktəblər kimi aprelin 5-dən fəaliyyətini dayandıracağı ilə bağlı məlumatı Bakı Şəhər İcra Hakimiyyəti təsdiqlədi.

Maraqlıdır ki, aprelin 3-də isə təhsil naziri Emin Əmrullayev canlı yayımda aprelin 5-dən sonra da sözügedən şəhərlərdə bağçaların ənənəvi şəkildə fəaliyyətini davam etdirəcəyini vurğuladı.

Bildirək ki, bir-birinin ardınca bağçaların fəaliyyətiylə bağlı verilən zidd qərarlar ictimaiyyətdə çaşqınlıq yaradıb. Reallıq isə ondan ibarətdir ki, bu gündən etibarən bağçalar fəaliyyət göstərmir. Uşaqlarını səhər tezdən bağçaya aparan valideynlər bunun əyani şahidi olublar.

Məlumat üçün bildirək ki, Azərbaycanda dövlət bağçaları icra hakimiyyətlərinin nəzdində fəaliyyət göstərir. Belə bir məqamda Təhsil Nazirliyinin bu məsələyə reaksiyası da anlaşılan deyil.

***

Təhsil Nazirliyinin mətbuat xidmətinin rəhbəri Cəsarət Valehov qeyd edib ki, bağçalararla bağlı qısa müddət ərzində təfərrüat tam aydın olacaq.


Twitter Facebook Myspace Stumbleupon Technorati blogger google
880 dəfə oxundu
 



XƏBƏR LENTİ
Loading...