"Bakcell" "e-Tabib" əlavəsinin əsas funksionalını abunəçiləri üçün pulsuz edib

"Bakcell" "e-Tabib" əlavəsinin əsas funksionalını abunəçiləri üçün pulsuz edib
Azərbaycanın ilk mobil rabitə operatoru olan “Bakcell” şirkəti COVID-19 ilə mübarizə tədbirləri çərçivəsində ölkədə həyata keçirilən daha bir təşəbbüsə qoşulub.

Şirkətdən Gundeminfo.az-a verilən məlumata görə, operatorun abunəçiləri “e-Tabib” mobil tətbiqinin əsas funksionallığından pulsuz istifadə edə bilərlər. Bununla yanaşı, applikasiyada qeydiyyatdan keçən abunəçilərə 100 MB həcmində internet trafiki hədiyyə olunur.

“e-Tabib” yoluxmanın qarşısını almağa kömək edir. Belə ki, “bluetooth” funksiyası sayəsində istifadəçi son 14 gün ərzində təmasda olduğu digər proqram istifadəçilərində qeydə alınan yoluxma faktından xəbər tutur və ona COVID-19 testindən keçmək tövsiyə olunur.

Azərbaycanda COVID-19 virusuna yoluxma faktları, müalicə olunmuş və evə buraxılmış şəxslər haqqında statistik məlumatlar, tez-tez verilən suallara cavablar və profilaktik tədbirlər haqqında məlumatlar da bu mobil tətbiqdə öz əksini tapır. Burada eyni zamanda Nazirlər Kabineti yanında Operativ Qərargahın və “Tibbi Ərazi Bölmələrini İdarəetmə Birliyi”nin məlumat və xəbərləri, profilaktik tədbirlər və xəstəliyin simptomları haqqında faydalı məlumatlar yerləşdirilib. “e-Tabib”i “Android” və iOS sistemləri ilə çalışan cihazlar üçün “Google Play” və “Appstore” portallarından yükləmək olar.

“Bakcell” bundan sonra da ölkəmizdə COVID-19-a qarşı aparılan mübarizə tədbirlərinə dəstək verməyə davam edəcək.

Twitter Facebook Myspace Stumbleupon Technorati blogger google
93 dəfə oxundu
 



XƏBƏR LENTİ
Loading...