Ermənistanın xarici borcu 7 milyard dollara çatıb
Ermənistanın dövlət borcu ötən il ərzində 148,3 milyon dollar artıb.
Azvision.az xəbər verir ki, bu barədə Ermənistanın Maliyyə Nazirliyi məlumat yayıb. Qeyd olunub ki, ölkənin borcu 2018-ci il dekabrın 31-dək olan vəziyyətə görə, 6 milyard 774,6 milyon dollar təşkil edib
Bundan öncə Ermənistan Maliyyə Nazirliyinin Dövlət borclarının idarəolunması idarəsinin rəisi Arşaluys Marqaryan bildirmişdi ki, 2019-cu ilin sonuna kimi Ermənistanın dövlət borcu təxminən 7,5 milyard dollar təşkil edəcək. Onun sözlərinə görə, bu məbləğ hökumətin və Ermənistan Mərkəzi Bankının xarici və daxili borclarını əhatə edir.
