Əkiz qardaşlar əməliyyatdan sonra BACI OLDULAR
Lent.az-ın xarici mediaya istinadla verdiyi xəbərə görə, bu, dünyada ilk belə presedentdir.
19 yaşlı Mayla Fibi de Rezende və Sofiya Alburek doğulduqdan bəri özlərini oğlan kimi tanımadıqlarını iddia edirlər.
“Bədənimi həmişə sevirdim, ancaq cinsiyyət orqanımı sevmirdim”, - Argentinada həkim ixtisası üzrə təhsil alan Mayla etiraf edib.
Cinsiyyət dəyişdirən Mayla Fibi de Rezende və Sofiya Alburek
Uşaqlıqdan bəri, əkizlər başqalarının lağ etməsinə və anlaşılmazlığına baxmayaraq qız olmaq arzusunda idilər. Anaları uşaqlarını hər zaman qızı kimi qəbul etdiyini vurğulayıb.
14 fevral gecəsi, Braziliyanın Blumenau şəhərindəki xüsusi bir klinikada beş saatlıq bir əməliyyat keçirilib.
"Bu, kişi olan əkizlərin birgə cinsiyyət dəyişdirmə əməliyyatı edildiyi dünyada qeydə alınan yeganə haldır", - onların həkimi Xose Karlos vurğulayıb.
Mayla özünü güzgüdə görəndə xoşbəxtlikdən ağladığını deyib.
Sofiya, yaxınlarının həmişə onları dəstəklədiklərini, ancaq başqalarının onlara zərər verə biləcəyindən narahat olduqlarını vurğulayıb.
Milli Transvestitlər və Transseksuallar Birliyinin məlumatına görə, 2020-ci ildə Braziliyada 175 transgender öldürülüb. Bu, dünyanın istənilən digər ölkəsindən çoxdur.
