"İlk dəfə idi ki, qızıma verəcək cavabım olmadı" - Gülay Zeynallı
Unikal.org xəbər verir ki, sənətçi onların birgə fotosunu sosial şəbəkədə bölüşərək bunları yazıb:
"Qızım, ata əsgər getdi, tez gələcək. Qızımın cavabı: Ay ana, bəs deyirdin müharibə qurtardı. İlk dəfə idi ki, qızıma verəcək cavabım olmadı. Allah heç bir valideyni övladı qarşısında cavabsız etməsin".
Qeyd edək ki, Kamil Zeynallı Göygöl rayonu ərazisində işğaldan azad edilən ərazilərə getməyə cəhd edib. Lakin ona ərazidə xidmət aparan polis əməkdaşları tərəfindən icazə verilməyib. Bundan sonra K.Zeynallı polisin qanuni tələbinə tabe olmayıb. O, saxlanılaraq Göygöl Rayon Polis Şöbəsinə gətirilib. İdmançının barəsində toplanan materiallar Göygöl rayon məhkəməsinə göndərilib və onun haqda 30 sutka inzibati həbs qərarı verilib.
