Aktyor mitinqə görə işdən çıxarılması haqda xəbəri yalanladı
Aktyor Ayşad Məmmədli müxalifətin mitinqinə qatıldığına görə işdən çıxarılması ilə bağlı mətbuatda yayılan məlumatlara aydınlıq gətirib.
Aktyor AzVision.az-a açıqlamasında bildirib ki, o, işdən çıxarılmayıb, deyilənlər şaiədir.
"Mən jurnalistləri heç nəyi bilmədən, heç nəyi dəqiqləşdirmədən haqqımda yalan məlumatlar yazdıqlarına görə qınayıram. Əvvəlcə zəng edib yoxlamaq, dəqiqləşdirmək lazım idi. Hazırda teatrda məşqdəyəm. Mən teatrla yaşayıram, burada işləyirəm. Məni yeni tamaşalarda görəcəksiniz” - aktyor Ayşad Məmmədli deyib.
