Arvadının ölüm xəbərini yayan aktyor: "Ölən həyat yoldaşım deyil, sevgilimdir"
Aktyor Səbuhi Xanlarov həyat yoldaşının ölümü ilə reklam olunması xəbərlərinə aydınlıq gətirib. Gundeminfo.az xəbər verir ki, o, oxu.аz-ın əməkdaşına hazırda Türkiyədə olduğunu bildirib.
Aktyor bir neçə saat əvvəl mediada barəsində yayılan səs-küylü xəbərlə bağlı bunları deyib:
"Rəhmətə gedən mənim həyat yoldaşım deyil, sevgilimdir. O, xərçəng xəstəliyindən əziyyət çəkirdi. Sosial şəbəkə istifadəçiləri yazır ki, arvadının ölümü barədə xəbər yayaraq özünü reklam edir. Kimin nəyinə lazımdır? Nə deyirəm, nə danışıram özüm bilərəm. Həyat yoldaşım sağ-salamatdır, övladlarımın yanındadır. Niyə ölsün ki?! İki balam var".
