Mədəniyyət Nazirliyinin rəsmisi Elxan Qasımovun həkimi ilə görüşüb
Bu barədə APA-nın sorğusuna cavab olaraq nazirlikdən məlumat verilib.
Qeyd olunub ki, həkim Elxan Qasımovun ağır vəziyyətdə xəstəxanaya daxil olduğunu və əməliyyat edildiyini, əməliyyatdan sonra isə reanimasiya yerləşdirildiyini və hələ ki həyatı təhlükəsinin davam etdiyini bildirib: “Reanimasiyadan çıxdıqdan sonra səhhətində irəliləyiş olarsa, 1 həftə müddətində ayağa qalxma ehtimalı var".
Həmçinin vurğulanıb ki, xəstənin yaxınları ilə Mədəniyyət Nazirliyinin səlahiyyətli əməkdaşları mütəmadi ünsiyyətdədir: “Nazirlik Əməkdar artistin səhhəti ilə bağlı məsələni diqqətdə saxlayır”.
Qeyd edək ki, bir neçə gün öncə xəstəxanaya yerləşdirilən Əməkdar artist Elxan Qasımov mayın 9-da əməliyyat olunub.
Elxan Qasımova aorta anevrizmasının partlaması diaqnozu qoyulub. O, hazırda özəl xəstəxanaların birində reanimasiyadadır.
