Bakıda "KFC" restoranında yanğın olmayıb
Virtualaz.org saytının hazırda hadisə yerində olan müxbiri xəbər verir ki, "KFC" restoranında yanğın baş verməsi barədəki xəbər öz təsdiqini tapmayıb. "FHN-in yanğınsöndürmə briqadasına məxsus bir yanğınsöndürən maşın çağırışa gəlsə də ondan istifadə etməyə ehtiyac qalmayıb. Restoranda güclü yanğın olmayıb. Yanğın əlamətləri, tüstülənmə və s. də müşahidə olunmur. Obyekt əməkdaşlarından biri restoranın mətbəxində yanğın olması barədə məlumatları da təsdiqləmədi" - deyə müxbirimiz xəbər verir.
Qeyd edək ki, "KFC" restoranlar şəbəkəsinin yaydığı məlumatda da yanğın olması barədəki xəbər təkzib edilir.
