"Seçkidə heç bir qayda pozuntusuna rast gəlmədim" Avropa Parlamentinin üzvü
"Azərbaycanda seçki prosesi yüksək səviyyədə təşkil olunmuşdu”.
APA-nın məlumatına görə, bu sözləri Avropa Parlamentinin Yunanıstandan olan üzvü Dmitris Kammenos deyib.
O, seçkiləri əsasən Şamaxı rayonunda izlədiyini qeyd edib: “7 seçki məntəqəsində oldum. Seçicilərin qeydiyyat prosesi düzgün qurulmuşdu. Seçki məntəqələrində müşahidə kameraları quraşdırılmışdı ki, bu da çox önəmli amildir. Çoxlu yerli müşahidəçi var idi. İnsanlar müşahidəçilərin işini bəyənirdilər. Heç bir qayda pozuntusuna rast gəlmədim. Məntəqələrin təhlükəsizlyi yüksək səviyyədə təşkil olunmuşdu”.
