"ATƏT PA Azərbaycanda keçiriləcək parlament seçkilərinə müşahidə missiyası göndərəcək"
ATƏT Parlament Assambleyasının (PA) müşahidə missiyasının noyabr ayında Azərbaycanda keçiriləcək seçkilərdə iştirakı ilə bağlı müsbət qərar verilib.
Bunu APA-ya açıqlamasında Azərbaycanın ATƏT PA-da nümayəndə heyətinin üzvü Azay Quliyev deyib.
A. Quliyevin sözlərinə görə, Azərbaycan tərəfdən göndərilmiş dəvət məktubuna qurumun sessiyası çərçivəsində baxılıb: “ATƏT PA-nın nümayəndə heyəti müşahidə missiyası qismində parlament seçkilərində iştirak edəcək".
Qeyd edək ki, Milli Məclisin sədri Oqtay Əsədov iyunun 18-də ATƏT PA-nın prezidentinə noyabrda Azərbaycanda keçiriləcək parlament seçkilərində qurumun müşahidə missiyasının iştirakı ilə bağlı dəvət məktubu göndərib.
