100 dollarlıq əskinaslar dövriyyədən çıxarıla bilər
ABŞ-ın keçmiş maliyyə naziri Larri Sammers hesab edir ki, 100 dollarlıq əskinazı "öldürərək" dövriyyədən çıxarmaq lazımdır.
Trend-in məlumatına görə, "The Washington Post" qəzetindəki məqaləsində L.Sammers yazır ki, bu addım korrupsiya ilə mübarizədə önəmlidir.
Onun sözlərinə görə, yüksək nominallı əskinazlarla 1 milyon dolların bir kilodan az çəkisi var - daşınması və ötürməsi çox asandır: "Amma bir milyon dollar xırda əskinazlarla olduğu halda çəkisi 20 kiloqramdan artıq olacaq". L.Sammers hesab edir ki, eyni məqsədlərlə 500 avroluq əskinazdan da imtina etməyə ehtiyac var. Yazıda qeyd edilir ki, bəzi dairələrdə 500 avroluq əskinaz "bin Laden" adlandırılır.
