Ziyafət Əsgərov: “Bəzi ölkələrin sözü ilə əməli uyğun gəlirmi?”
“Yoxsulluq, aclıq və iqtisadi problemlər bu gün hər kəsi narahat edir. Dünyamız narahat vəziyyətdədir. Yaxın Şərqdə baş verən proseslər, qaçqın və miqrant problemləri var”. Modern.az xəbər verir ki, bunu Milli Məclis sədrinin birinci müavini Ziyafət Əsgərov Milli Məclisdə “Dayanıqlı inkişaf məqsədlərinə nail olunmasında Parlamentin rolu” mövzusunda keçirilən konfransda çıxışı zamanı deyib.
Milli Məclis sədrinin birinci müavini bildirib ki, Azərbaycan da işğal faktoru ilə üzləşib.
“Neçə illərdir Azərbaycanın 20 faizi qonşu Ermənistan tərəfindən işğal olnub. 1 milyondan çox qaçqın və məcburi köçkünümüz var. Bu gün Azərbaycanda dövlət insan kapitalının inkişafına xüsusi diqqət yetirir. Azərbaycan layihə ilə bağlı götürdüyü öhdəlikləri yerinə yetirir. Nəzərinizə çatdırım ki, Azərbaycanda 2003-2005, 2008-2015-ci illərə dair yoxsulluğun aradan qalıdırması və davamlı inkişaf proqramları qəbul edilib. Bu yaxınlarda biz “İşsizlikdən sığorta haqqında” qanun qəbul etdik. Hesab edirəm ki, bu çox yaxşı qanun layihəsidir”.
Z.Əsgərov bildirib ki, gələcəkdə dünyanın 2/3-nin içməli su ilə bağlı problemi olacaq.
“Bu məsələ bütün dünyanı və BMT-ni narahat edir. Bu probeləmlər həll oluna bilər. Amma bu məsələdə dövlətlər bir araya gələ biləcəklərmi? Dövlətlər yaxşı bəyanatlar verirlər. Xüsusilə də inkişaf etmiş ölkələr. Bəzi ölkələrin sözü ilə əməli uyğun gəlirmi? Doğurdan da dünyanın inkişaf etmiş ölkələri bir nöqtəyə vursa, bu məsələlər həll oluna bilər”.
“Konkret Azərbaycana gəldikdə dayanıqlı inkişaf məqsədlərinə nail olunması istiqamətində xeyli işlər görülür.15 il bundan əvvəl işsizliyin səvviyyəsi hardaydı, indisə harda. Hazırda Azərbaycanda işsizliyin səvviyyəsi 5-6 faizə çatıb. Biz çalışırıq ki, insanlar işlə təmin olunsun, yoxsulluğun səviyyəsi aşağı düşsün. Azərbaycan qarşıya qoyulmuş məqsədlərə çatmaqda dəstək verməkdə davam edəcək. İndiyə qədər bu sahədə xeyli qanunlar qəbul etmişik. Əgər lazım olsa, yenə də Milli Məclis bu işə öz töhfəsini verəcək” – deyə, Z.Əsgərov bildirib.
