ABŞ Saakaşvilinin Odessadakı islahatlarını maliyyələşdirəcək
ABŞ Ukraynanın Odessa vilayətinin qubernatoru Mixail Saakaşvilini maliyyələşdirəcək və onun komandasına əmək haqqı verəcək.
AzVision.az - ın məlumatına görə, bu barədə ABŞ-ın Ukraynadakı səfiri Ceffri Payetlə görüşdən sonra Saakaşvilinin özü “Facebook” səhifəsində yazıb. Mənbənin məlumatına görə, tərəflər ABŞ polisinin odessalı həmkarlarına təlim keçməsinə dair razılığa da gəliblər. “Həmçinin, Odessa anti-korrupsiya proqramı çərçivəsində ABŞ hökuməti Saakaşvilinin yeni komandasını maliyyələşdirməyə razılıq verib”, - deyə məlumatda bildirilir. Maliyyələşdirmənin konkret olaraq hansı həcmdə olması barədə məlumat verilmir. Qeyd edək ki, daha əvvəl ABŞ-ın Ukraynadakı səfiri Ceffri Payet Mixail Saakaşvilinin komandasının Odessadakı işinin uğurlu olması üçün əlindən gələni edəcəyini bildirmişdi.
