Həmsədrlər Vaşinqtonda Dağlıq Qarabağa görə toplaşır
ATƏT-in Minsk Qrupunun həmsədrləri Vaşinqtonda Dağlıq Qarabağ münaqişəsinin həllini müzakirə edəcəklər. APA-nın məlumatına görə, bu barədə Mİnsk Qrupunun amerikalı həmsədri Ceyms Uorlik özünün “Twitter” səhifəsində yazıb. “ATƏT-in Minsk Qrupunun həmsədrləri ABŞ Dövlət Departamenti, Müdafiə Nazirliyi və Milli Təhlükəsizlik Şurası ilə Dağlıq Qarabağ münaqişəsini müzakirə etmək üçün Vaşinqtonda səfərdədirlər”, - deyə C. Uorlik söyləyib.
