Azərbaycanlı deputat AŞPA-nın komitə sədri seçilib
Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü Sahibə Qafarova AŞPA-nın Miqrasiya, qaçqınlar və məcburi köçkünlər üzrə Komitəsinin sədri seçilib. APA-nın Avropa müxbirinin verdiyi məlumata görə, o, bu vəzifədə fransalı deputat Tyeri Marianini əvəz edib.
Qeyd edək ki, Azərbaycan nümayəndə heyətinin üzvü ilk dəfədir AŞPA komitəsinə sədr seçilir. S. Qafarova bu vəzifədə iki il fəaliyyət göstərəcək.
