ABŞ-da Azərbaycan-Ermənistan danışıqları bir həftə davam edəcək - Yeni detallar
Hurriyyet.az xəbər verir ki, bu barədə “Amerikanın Səsi” məlumat yayıb.
Materialda deyilir ki, Ermənistan və Qarabağ ətrafında baş verən son proseslər fonunda təbii ki, belə bir dönüş maraqlı və intriqa doğurur. Azərbaycan mətbuatının nəşrlərinə inansaq, o zaman Ermənistan-Azərbaycan münasibətlərinin tənzimlənməsi üçün “yol xəritəsi” qəbul olunacaq.
Məqalədə deyilir ki, “Münasibətlərin tənzimlənməsi sazişi” sənədi üzrə danışıqlar aparılır:
“Amerika tərəfinin impulslarına və nəşrlərinə əsaslanaraq, Vaşinqton Qarabağ məsələsinin həllində ciddi təşəbbüs göstərmək və “Cənubi Qafqazın sülhməramlısı” titulunu özündə saxlamaq qərarına gəlib ki, bu da bilavasitə Rusiyanın regionda mövqelərinin əhəmiyyətli dərəcədə zəifləməsi demək olacaq. Bəlkə də rusların bölgədən ayrılma prosesinin başlanğıcını da buraya aid etmək olar.
Bu baxımdan nə Qərbin sülh müqaviləsinin imzalanmasını tez bir zamanda başa çatdırmaq üçün İrəvana təzyiqləri artırması xəbəri, nə də Azərbaycan xarici işlər nazirinin İrəvanı masadakı danışıqlara qaytardığına görə rəsmi Bakının Vaşinqtona minnətdar olması barədə bəyanatı təsadüfüdür.
Maraqlıdır ki, Amerika tərəfinin fəallaşması Rusiyanın Qarabağdakı sülhməramlı qüvvələrinin komandanını dəyişdikdən, Rusiya hərbi elitasının artıq İrəvanda olan və Bakıya gedəcək mühüm simalarından birini təyin etməsindən sonra baş verib.
Artıq məlumdur ki, müzakirə olunan “Münasibətlərin normallaşdırılması haqqında saziş” adlı sənəddə ABŞ Ermənistan-Azərbaycan münasibətlərinin normallaşması prosesini elə həyata keçirməyə cəhd edəcəklər ki, tərəflər, ermənilər və azərbaycanlılar yaşaya bilsinlər. Qısası, ABŞ Azərbaycan və Ermənistanla birlikdə iqtisadi əlaqələr yaradır və hətta regionda onların kollektiv təhlükəsizliyini təmin edir.
Amerika mənbələrinə görə, həmin sənəd kifayət qədər mürəkkəb olacaq, burada etnik azlıqların hüquqları və təhlükəsizliyi də nəzərə alınacaq. Bu, Qarabağ ermənilərinin müdafiəsi üçün müəyyən mexanizm deməkdir, lakin bu mexanizm Qarabağa nə dərəcədə subyektivlik verəcək və ya bir vahid kimi status verəcək, bunu demək çətindir. Ola bilər ki, ümumiyyətlə, belə bir şey yoxdur.
Təbii ki, Moskva buna yuxarıdan aşağı baxmayacaq. Və təsadüfi deyil ki, Vaşinqtondan sonra Ermənistan və Azərbaycanın xarici işlər nazirləri də Moskvada görüşəcək və bu, Qarabağ nizamlanması məsələsində iki geosiyasi mərkəz arasında rəqabətin davam edəcəyi anlamına gəlir”.
