Azercell-dən elektrik problemi ilə bağlı AÇIQLAMA
“Azercell Telekom”MMC- açıqlama yayıb. Gundeminfo.az-a daxil olan informasiyaya əsasən 3 İyul 2018-ci il tarixində, gecə saat 00:20 radələrində ölkə üzrə elektrik enerjisinin təminatında yaranmış kəsinti ilə əlaqədar respublikanın əksər bölgələrində “Azercell Telekom”MMC-yə aid stansiyaların enerji təminatında və müvafiq olaraq rabitə xidmətlərində yaranmış müvəqqəti çətinliklərin aradan qaldırılması üçün şirkət gücləndirilmiş iş rejimində çalışıb. Qeyd edək ki, müstəqil generatorlar vasitəsilə şirkətin əsas ofisləri, Telefon Mərkəzi və Məlimat Mərkəzinin, eləcədə bir sıra saytların kəsintisiz fəaliyyəti dərhal bərpa edilmiş, digər saytların bərpası üçün isə yeni daşınan generatorlar yerlərə göndərilmişdir. Eyni zamanda nəzərinizə çatdırırıq ki, hal-hazırda kəskin isti hava şəraitinə baxmayaraq, Azercell abunəçilərinin bütün ölkə boyukeyfiyyətli mobil rabitə xidmətləri ilə təmin edilməsinə dair zəruri tədbirlərin görülməsi davam etdirilir.
