Şah İsmayılın Bakıdakı heykəli götürülür FOTOLAR
Hazırda paytaxtın Yusif Səfərov küçəsində (Mərkəzi Neftçilər Xəstəxanasının qarşısı) təmir işləri həyata keçirilir. Yusif Səfərov küçəsini ikiyə bölən, iki il öncə fəvvarələr salınan park dəmir lövhələrlə çəpərlənib. Lövhələrdə "Azəravtoyol ASC müvəqqəti narahatlığa görə üzr istəyir" sözləri qeyd edilib.
Gundeminfo.az xəbər verir ki, ASC-nin mətbuat xidmətinin rəhbəri Anar Nəcəflinin Sputnik Azərbaycan-a verdiyi məlumata görə, hazırda həmin ərazidə yol genişlənməsi işləri həyata keçirilir: "Ərazidə yol genişləndiriləcək. 3 zolaqlı yol 6 zolaqlı yolla əvəzlənir. Ərazidə tikinti işləri ilə əlaqəli avtomobillərin hərəkətində heç bir sıxlıq müşahidə edilmir". "Yol bağlanmayıb, sadəcə həmin ərazi dəmir lövhələrlə çəpərlənib. Lövhələr də 50 sm yola çıxa bilər. Yəni tikinti maneə yaratmır" — Nəcəfli bildirib.
ASC sözçüsü əlavə edib ki, konkret vaxt məlum olmasa da, 6 zolaqlı yolun təhvili qısa zamanda həyata keçiriləcək.
Xətai Rayon İcra Hakimiyyətindən isə bildirilib ki, ərazidə ucaldılan Şah İsmayıl Xətainin heykəli götürülərək "Lalələr" parkında yerləşdiriləcək.
