Bu ilin ilk ayında uşaqlara ən çox qoyulan adlar məlum olub - SİYAHI
Ədliyyə Nazirliyindən "Report"un sorğusuna cavab olaraq bildirilib ki, ötən ay oğlanlar arasında 57 uşağa Hüseyn, 47 uşağa Yusif, 44 uşağa Uğur, 39 uşağa Əli, 35 uşağa Raul, 31 uşağa Murad, 28 uşağa Ömər, 28 uşağa Məhəmməd, 25 uşağa Adəm, 23 uşağa Tuncay adı qoyulub.
Qızlara gəlincə isə, 2024-cü ilin yanvar ayında 46 uşağa Məryəm, 45 uşağa Nilay, 41 uşağa Zeynəb, 39 uşağa Ayla, 37 uşağa Zəhra, 36 uşağa Fatimə, 35 uşağa İnci, 34 uşağa Melisa, 32 uşağa Aylin, 31 uşağa Mələk adı verilib.
Qeyd edək ki, 2023-cü ildə oğlan uşaqlarına ən çox Uğur, qız uşaqlarına isə Zəhra adı verilib.
