Regionda ən sürətli mobil internet Azərbaycandadır - Siyahı
Yeniavaz.com xəbər verir ki, saytda dərc olunan siyahıya əsasən sabit genişzolaqlı internetin median sürətinə görə Azərbaycan mövqeyini itirməyib və 29.14 Mbps sürətlə 181 ölkə arasında 116-cı yerdə qalıb.
Mobil internetin sürətinə görə isə ölkəmiz 3 pillə irəliləyərək 40.97 Mbps sürətlə 140 ölkə arasında 55-ci yeri tutub.
Bundan əlavə, Bakı şəhəri sabit genişzolaqlı internetin sürətinə görə 1 pillə geriləyərək 31.27 Mbps sürətlə 137-cı pillədə qərarlaşıb.
Mobil internetin sürətinə görə isə 2 pillə irəliləyərək 43.08 Mbps sürətlə 172 şəhər arasında 72-ci yeri tutub.
Sabit genişzolaqlı internetin sürətinə görə ilk beşliyə Sinqapur (241.35 Mbps), Çili (223.21 Mbps), Birləşmiş Ərəb Əmirlikləri (220,61 Mbps), Çin (218.80 Mbps) və Honq Konq (213.14 Mbps) daxil olub.
Mobil internetin sürətinə görə isə beşlik BƏƏ (181,79 Mbps), Qətər (164.86 Mbps), Norveç (146.15 Mbps), Küveyt (136.75 Mbps) və Danimarkadan (127.13 Mbps) ibarət olub.
Sabit genişzolaqlı internetin sürətinə görə son beşliyə Niger (4.47 Mbps), Suriya (4.17 Mbps), Türkmənistan (3.91 Mbps), Əfqanıstan (2.23 Mbps) və Kuba (1.93 Mbps) daxildir.
Mobil internetin sürətinə görə isə son beşlik Haiti (7.50 Mbps), Yəmən (6,61 Mbps), Kuba (4.35 Mbps), Əfqanıstan (4.30 Mbps) və Sudandan (1.22 Mbps) ibarət olub.
Region ölkələri arasında sabit genişzolaqlı internetin sürətinə görə ardıcıllıq belə olub:
33. Moldova (105.17 Mbps)
54. Rusiya (79.93 Mbps)
67. Ukrayna (66.88 Mbps)
85. Belarus (51.63 Mbps)
86. Qırğızıstan (51.43 Mbps)
88. Özbəkistan (49.69 Mbps)
95. Qazaxıstan (45.24 Mbps)
97. Ermənistan (43.12 Mbps)
108. Türkiyə (34.60 Mbps)
116. Azərbaycan (29.14 Mbps)
124. Gürcüstan (25.45 Mbps)
133. Tacikistan (19.76 Mbps)
146. İran (12.60 Mbps)
179. Türkmənistan (3.91 Mbps)
Region ölkələri arasında mobil internetin sürətinə görə ardıcıllıq belə olub:
55. Azərbaycan (40.97 Mbps)
64. İran (35.68 Mbps)
65. Türkiyə (34.17 Mbps)
68. Gürcüstan (31.56 Mbps)
70. Moldova (31.04 Mbps)
73. Qazaxıstan (30.32 Mbps)
88. Rusiya (25.36 Mbps)
89. Qırğızıstan (25.20 Mbps)
91. Ukrayna (24.74 Mbps)
91. Ermənistan (24.74 Mbps)
108. Özbəkistan (19.61 Mbps)
128. Belarus (11.95 Mbps)
133. Tacikistan (9.48 Mbps)
