Həbs olunan Tağı İbrahimovun “Kempinski Hotel” macəraları – Kef məclisləri, odlu silah…
Gundeminfo.az xəbər verir ki, demokrat.az-ın əldə etdiyi məlumata görə, partlayışdan öncə Tağı İbrahimov Badamdar Kompleksində yerləşən “Pullman Baku” (əvvəlki adı: “Kempinski Hotel Badamdar”) otelinin 15-ci mərtəbəsini şəxsi istirahət məqsədi üçün aylıq icarəyə götürüb.
Həbs olunan Tağı İbrahimovun “Kempinski Hotel” macəraları
İddialara görə, Tağı İbrahimov həmin məkanın icarəsi üçün aylıq on minlərlə vəsait ödəyirmiş. Həmçinin, sözügedən məkanda tez-tez kef məclisləri təşkil edirmiş.
Bundan başqa, Tağı İbrahimov son illər avtomobilində ovçular mağazasından aldığı ov silahları gəzdirirmiş.
Tağı İbrahimovun təşkil etdiyi bahalı məclislər təkcə bununla bitmir. Onun bu və ya digər xoşagəlməz əməlləri barədə yaxın günlərdə daha geniş araşdırma materialımız olacaq.
Həbs olunan Tağı İbrahimovun “Kempinski Hotel” macəraları
Qeyd edək ki, yanan mebel sexinin təsisçisi Tağı İbrahimov Diasporla İş üzrə Dövlət Komitəsinin keçmiş sədri Nazim İbrahimovun və “Avesta” şirkətinin sabiq prezidenti hacı İbrahim Nehrəmlinin qardaşıdır.
