Azərbaycanda həkimin yandırılmış meyiti tapıldı
![Azərbaycanda həkimin yandırılmış meyiti tapıldı Azərbaycanda həkimin yandırılmış meyiti tapıldı](/uploads/posts/2015-07/1436435321_71349.jpg)
34 yaşlı qadının yandırılmış cəsədi Xızı rayonun Yaşma qəsəbəsində aşkar edilib. Xızı rayonunun Yaşma qəsəbəsi ərazisində yanmış qadın meyidi tapılıb. ANS PRESS-in bölgə müxbiri Aytəkin Alxaslının əldə etdiyi məlumata görə, 6 iyul gecə saat 01.30 radələrində Bakı - Quba yolunun 55-ci kilometrində, yolun sağ hərəkət hisəsəsində yandırılmış naməlum qadın meyidi tapılıb. Xızı rayonunun hüquq mühafizə orqanlarının əməkdaşlarının keçirdiyi operativ əməliyat tədbirləri nəticəsində naməlum qadının şəxsiyyəti bir neçə saat içində müəyyən edilib. Meyidin 1981-ci il təvəllüdlü Bakı sakini Natəvan Əliyevaya məxsus olduğu bəlli olub.
34 yaşlı N. Əliyeva paytaxtda fəaliyyət göstərən xəstəxanaların birində həkim işləyib. Onun üç uşaq anası olduğu bildirilir. Qadının bu il iyun ayının 25-dən 26-na keçən gecə paytaxtın Xətai rayonunda itkin düşməsi barədə polisə ərizə daxil olduğu da məlum olub. Hazırda Natəvan Əliyevanın kim və kimlər tərəfindən qətlə yetirildiyi yönündə intensiv axtarış işləri aparılır. Faktla bağlı cinayət işi başlanıb, araşdırma aparılır.
1434 dəfə oxundu