Zaqatalada qoruq ərazisində çətənə kolları aşkarlanıb

Zaqatalada qoruq ərazisində çətənə kolları aşkarlanıb


Ekologiya və Təbii Sərvətlər Nazirliyinin (ETSN) Zaqatala Dövlət Təbiət Qoruğunun və Balakən rayon polis şöbəsinin əməkdaşları tərəfindən Zaqatala Dövlət Təbiət Qoruğunun ərazisində reyd keçirilib. ETSN-in mətbuat xidmətindən APA-ya verilən xəbərə görə, reyd zamanı qoruğun Axkimal sahəsinin 7 saylı dolayının 115 nömrəli kvartalında ölçüsü 7x8 metr olan sahədə narkotik xassəli çətənə bitkisi olduğu güman edilən bitki aşkar edilib. Faktla bağlı akt tərtib olunaraq ərazi nəzarətə götürülüb və sözügedən sahəyə foto-video tələ yerləşdirilib. 3 iyul tarixində əldə edilən video görüntülər nəticəsində ərazidə bir nəfər şübhəli şəxs saxlanılıb.

Qanun pozucusunun şəxsiyyətinin müəyyən olunması və barəsində qanuna müvafiq tədbirlərin görülməsi üçün Zaqatala Dövlət Təbiət Qoruğu tərəfindən Balakən rayon polis şöbəsinə müraciət edilib. Faktla bağlı istintaq tədbirləri aparılır. Zaqatala Dövlət Təbiət Qoruğunun ərazisində narkotik vasitələrin qanunsuz dövriyyəsinə qarşı mübarizə tədbirləri çərçivəsində narkotik xassəli bitkilərin qanunsuz əkildiyi və yabanı halda bitdiyi yerlərin müəyyən edilməsi istiqamətində reydlər davam etdirilir.

Twitter Facebook Myspace Stumbleupon Technorati blogger google
1482 dəfə oxundu
 



XƏBƏR LENTİ
Loading...