Səlim Müslümovun məhkəməsi yenidən təxirə salındı
"Qafqazinfo” xəbər verir ki, Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən prosesin hansı səbəbdən təxirə salındığı açıqlanmayıb.
Proses qeyri-müəyyən müddətə kimi təxirə salınıb.
Qeyd edək ki, eks-nazirin cinayət işi üzrə məhkəmə prosesi bundan əvvəl dəfələrlə təxirə salınıb.
Xatırladaq ki, Səlim Müslümov 2021-ci ilin fevralında Dövlət Təhlükəsizliyi Xidməti (DTX) tərəfindən saxlanılıb. O, Dövlət Sosial Müdafiə Fondunun sədri (2002-2013) və nazir (2013-2018) işlədiyi dövrlərdə 27 milyon manatlıq rüşvətalma, mənimsəmə və israfetmə əməllərinə görə ittiham olunur. Sabiq nazir həmin puldan 20 milyon manatını istintaq dövründə ödəyib. 8 milyon manatlıq əmlakı üzərinə isə həbs qoyulub.
