“Fatehan Xeybər” təlimləri: İran sərhədlərimizə hansı qüvvələr toplayıb?
Rəsmi açıqlamaya əsasən, “Fatehan Xeybər” adlanan təlimlərə zirehli bölmələr, artilleriya, pilotsuz uçuş aparatları və Hərbi Hava Qüvvələrinin helikopterləri cəlb olunub.
Təlimlərdə 216-cı, 316-cı tank briqadaları, 25-ci briqada, 11-ci artilleriya qrupu, pilotsuz uçuş aparatları, 433-cü mühəndis-istehkam bölmələri, aviadesant helikopterləri cəlb edilib. Qeyd edək ki, İranın şimal-qərb bölgəsi Ərdəbil, Şərqi Azərbaycan, Qərbi Azərbaycan və Zəncan əyalətlərini əhatə edir.
