"Bizim əsas "müştərilərimiz" mollalardır" - bakılı gey
Gundeminfo.az xəbər verir ki, bunu Azərbaycanın 22 yaşlı geyi (adının mediada çəkilməsini istəmir – red) aztoday.az-ın əməkdaşı ilə söhbətində bildirib. Onun sözlərinə görə, çoxları elə hesab edir ki, Azərbaycan müsəlman ölkəsi olduğuna görə burda fəaliyyət göstərmək heç də asan deyil, ancaq əslində bu ideya kökündən yanlışdır:
"Bunu əməli işdə dəfələrlə sübut etmişik. Misal üçün, yaxın qonşu ölkələrdən Gürcüstan və Türkiyədə küçədə ya da hansısa məclisdə lezbiyan, gey, biseksual və transgender (LGBT) olduğunu desən, səninlə söhbət belə etməzlər. Hətta çoxları həmin an ya uzaqlaşar, ya da polis çağırar. Azərbaycanda isə hər kəs söhbət etməyə açıqdır”.
"Ehtiyaclarınızı ödəmək üçün əsasən harada tanış olursunuz?” sualına qarabuğdayı gey belə cavab verdi: "Bizim Bakının bir çox yerlərində kafe və gecə klublarımız var. Müştərilərimiz orda bizimlə tanış olur və onlarla vaxt keçirməyə razılıq veririk. Bildiyiniz kimi hazırda Azərbaycanda bizim 3 təşkilatımız (Gender və Tərəqqi İctimai Birliyi, Nəfəs LGBT və Azad LGBT) və bir saytımız (http://www.gay.az/) fəaliyyət göstərir, günü-gündən də sıralarımız çoxalır. Düzdür, hər şey eyni cinslərin evlənməyinə hüquqi razılıq verən ölkələrdə olduğu kimi "yağ” kimi getmir, ancaq postsovet ölkələrinin demək olar ki, əksəriyyətində bizim qəbildən olan insanları cəmiyyətdən sıxışdırmağa, deportasiya etməyə çalışırlar. Burda isə belə halların sayı çox azdır”.
"Görüşdüyünüz məşhur insanların, ya da məmurların adlarını çəkə bilərsinizmi?” sualı gey üçün heç də gözlənilməz olmadı: "Ad çəkmək düzgün olmazdı. Bu bizim "biznesimizə” xələl gətirər. Ancaq ölkə ictimaiyyəti üçün bir faktı qeyd edim ki, bizim əsas "müştərilərimiz” mollalardır. Bakının bir kəndinin (Həmin kəndin adını yazmağı etik hesab etmirik – red) əksər mollaları ilə şəxsən özüm əlaqədə olmuşam. Mərc girərək müştəri tapmaq "layihəmiz” də tez-tez öz bəhrəsini verir. Elə bu yaxınlarda vəhhabi mollalardan birini yoldan çıxartdım, o da asanlıqla mənimlə "olmağa” razılaşdı. Tanınmış şəxslərlə də "görüşlərimiz olur. Onlar bizimlə bu "əlaqəni” öz aralarında "eksperiment” adlandırırlar. Bizim üçün isə bunun necə adlandırılmasının elə bir əhəmiyyəti yoxdur. Əsas odur ki, ehtiyacımız ödənir”.
