Yaralı zabitimiz dünyasını dəyişdi
Azərbaycan ordusunun apreldə döyüşlərdə yaralanan kapitanı dünyasını dəyişib.
Müdafiə Nazirliyindən AzVision.az-a verilən məlumata görə, aprel ayının əvvəllərində döyüş əməliyyatları zamanı yaralanan zabitimiz kapitan Savalanov Nəcməddin Akif oğlunun həyatını xilas etmək üçün həkimlərin səyinə baxmayaraq o, mayın 8-də Silahlı Qüvvələrin Baş Klinik Hospitalında dünyasını dəyişib.
Müdafiə Nazirliyinin rəhbərliyi şəhidin yaxınlarına, əzizlərinə dərin hüznlə başsağlığı verir və səbr diləyir!
Qeyd edək ki, İmişli rayonundan olan şəhid kapitan 3 uşaq atasıdır.
