Azərbaycanlı iş adamı Rusiyada pomidor-xiyar yetişdirmək üçün 105 milyon manat sərmayə qoyub
Yeniavaz.com xəbər verir ki, bu barədə TASS-a regional İqtisadi İnkişaf Nazirliyinin rəhbəri Denis Polyubin bildirib.
“Levokumski rayonunda “Vostoçnıy” kənd təsərrüfatı kompleksinin tikintisinə qoyulan investisiyaların həcmi 5 milyard 660 milyon rublu ötür. Layihə həyata keçirilir, o cümlədən investor artıq lazımi avadanlıqları alıb. İstixana kompleksinin 2024-cü ilin sonuna qədər istismara verilməsi planlaşdırılır”, - deyə o bildirib.
Nazirlikdən verilən məlumata görə, istixana kompleksinin sahəsi 22 hektara yaxın olacaq.
“İstixana kompleksi regionun ən böyüklərindən biri olacaq. Kompleksdə pomidor və xiyar yetişdirilməsi planlaşdırılır”, - Polyubin izah edib.
Qeyd edək ki, sözügedən azərbaycanlı iş adamının kimliyi barəsində məlumat verilməyib.
