Ukraynada deputat rüşvətə görə saxlanılıb
Ukrayna hüquq-mühafizə orqanlarının əməkdaşları rüşvət almaqda şübhəli bilinən Ali Radanın hakim “Xalqın qulluqçusu” partiyasından olan deputatı Sergey Kuzminıxı saxlayıb.
Yeniavaz.com xəbər verir ki, bu barədə bazar ertəsi Ukrayna Milli Antikorrupsiya Bürosunun (NABU) mətbuat xidməti məlumat yayıb.
Bundan əvvəl NABU-nun mətbuat xidməti məlumat yayıb ki, hüquq-mühafizə orqanlarının əməkdaşları Kuzminıxı 19,7 min dollar məbləğində rüşvət alarkən ifşa ediblər. NABU daha sonra hüquq-mühafizə orqanlarının çağırışlarına sistemli cavab vermədiyi və yaşayış yerində olmadığı üçün Kuzminıxı axtarışa verib. Deputat özü bildirib ki, axtarışa verildiyini internetdən öyrənib. Onun sözlərinə görə, istintaqdan gizlənmir.
Mətbuat xidmətinin məlumatına görə, deputat barəsində həbs-qətimkan tədbiri seçilməsinə dair vəsatət təqdim olunacaq.
