Ermənistanda 748, Gürcüstanda 395 nəfər yoluxdu
“Report” xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb. Bununla da Ermənistanda virusa yoluxanların sayı 176 286-ya çatıb. Qeyd olunub ki, ölkədə pandemiyadan ölənlərin sayı daha 2 nəfər artaraq 3 239-a yüksəlib.
COVID-19 diaqnozu qoyulmuş, ancaq başqa səbəbdən ölənlərin sayı isə 834 nəfərdir. İndiyədək 165 441 pasiyent infeksiyadan sağalıb.
Hazırda ölkədə 6 772 aktiv koronavirus xəstəsi var.
Gürcüstanda isə ötən sutkada daha 395 nəfərə koronavirus diaqnozu qoyulub, 9 pasiyent vəfat edib. Bu barədə Gürcüstan hökumətinin xüsusi rəsmi saytında bildirilib.
Beləliklə, qonşu ölkədə hazırkı dövrədək COVID-19-a yoluxanların sayı 274 045-ə, ölənlərin sayı isə 3 622-yə yüksəlib.
Son 24 saat ərzində xəstəlikdən sağalanların sayı 310 nəfər artaraq 267 421 olub.
