ABŞ həkimləri bombalamasına sadəcə cihaz xətası dedi
2015-ci ilin oktyabr ayında ABŞ qırıcısının Əfqanıstanda Sərhədsiz Həkimlər Təşkilatına aid xəstəxananı bombalaması təsadüfi hadisə idi və bu müharibə cinayəti sayılmır.
Axar.az xəbər verir ki, bu sözləri ABŞ Mərkəzi Qüvvələri (CENTCOM) komandanı Cozef Votel deyib.
Votel 42 insanın ölümü ilə nəticələnən hadisəni cihaz xətası kimi dəyərləndirib:
“Komandanın daxilində heç kim hədəfin xəstəxana olduğunu bilmirdi. Əsas hədəfimiz 400 metr uzaqlıqda yerləşən ərazi idi”.
Qeyd edək ki, 2015-ci ilin oktyabrında ABŞ qırıcısının Əfqanıstanda xəstəxananı hədəf alması nəticəsində 42 insan həlak olmuşdu.
