Erməni deputat partiyasının 100 milyon dollarını götürüb ölkədən qaçıb
Ermənistanın “Çiçəklənən Ermənistan” partiyasının deputatı Abraham Manukyan partiyaya məxsus 100 milyon dollar pulla birlikdə ölkədən qaçıb
APA-nın “news.am”a istinadən verdiyi məlumata görə, bu barədə “Aykakan Jamanak” qəzeti yazıb. Bildirilir ki, parlamentdəki köməkçisi də deputatın hazırda ölkədə olmadığını təsdiqləyib.
Həmin pullar partiyanın regional strukturlarının koordinasiyası üçün nəzərdə tutulubmuş. A.Manukyan daha əvvəl bu koordinasiyaya rəhbərlik edib. Bir müddət əvvəl A.Manukyanın partiya daxilində bəzi şəxslərlə münaqişəsi yaranıb. Nəticədə bəzi üzvlər partiyanı tərk ediblər. Onun partiya rəhbərliyində dəyişikliyin olmasını istədiyi bildirilir.
