Rusiyada dollar tarixi maksimumu yeniləyib
Rusiyada dollar tarixi maksimumu yeniləyib. AzNews.az Rusiya KİV-lərinə istinadən xəbər verir ki, dolların birja məzənnəsi Moskva birjasında hərraclar zamanı yeni rekord müəyyənləşdirib. Belə ki, dolların məzənnəsi 1,6 rubl bahalaşaraq 83,10 rubla çatıb. Bu, 2014-ci il dekabrın 16-da müəyyən edilmiş maksimum həddən 2,9 rubl yüksəkdir.
Dollar yalnız 1998-ci ildə rublun denominasiyası zamanı bundan baha olub. 1997-ci il dekabrın 30-da RF Mərkəzi Bankının müəyyən etdiyi kurs üzrə dollar 5 960 rubla bərabər olub. Bundan əlavə, avronun kursu da hərracların açılışında yüksəlib. Hazırda avro 1,09 rubl bahalaşaraq 90,55 rubl dəyərində qərarlaşıb.
