Azərbaycan biznesmenləri Gürcüstanda televizor istehsalına başlayır
"AG-Telecom" Azərbaycan-Gürcüstan şirkəti televizor istehsal etməyə başlayır. "Report" Gürcüstan KİV-ə istinadən xəbər verir ki, bunu şirkətin direktoru Mixail Qlonti bildirib. Onun sözlərinə görə, televizorun qiyməti 180-280 dollar arasında dəyişəcək.
Məhsul 2016-cı ilin aprelindən satışa çıxarılacaq. Direktor istehsal etdikləri televizoru Avropa bazarına da çıxarmaq istədiklərini söyləyib. Qeyd edək ki, "AG Telecom" Azərbaycan-Gürcüstan şirkəti 2013-cü ildə Rustavidə yaradılıb.
