Türkiyənin səhiyyə naziri Fəxri xiyaban və Şəhidlər xiyabanını ziyarət edib - FOTO

Türkiyənin səhiyyə naziri Fəxri xiyaban və Şəhidlər xiyabanını ziyarət edib - FOTO
Türkiyənin səhiyyə naziri Fahrettin Koca və Azərbaycanın səhiyyə naziri Teymur Musayev Fəxri xiyabanı ziyarət edib.

APA xəbər verir ki, ulu öndər Heydər Əliyevin və oftalmoloq-alim, akademik Zərifə Əliyevanın məzarlarına tər güllər düzülüb, əklil qoyulub və əziz xatirələri dərin ehtiramla yad edilib.
Daha sonra rəsmilər Şəhidlər xiyabanını və Türk şəhidliyini ziyarət ediblər. Azərbaycanın müstəqilliyi uğrunda canından keçənlərin əziz xatirəsi yad olunub.

"Erməni və bolşevik qruplaşmaların can Azərbaycanın işğalına qarşı mübarizə aparmaq məqsədilə 1918-ci ildə Nuru Paşanın komandanlığı ilə qurulan və bu yolda 1132 şəhid verən Qafqaz İslam Ordusunun qəhrəman əsgərləri, eyni tarixi, eyni mədəniyyəti eyni dil və dini bölüşən Türkiyə və Azərbaycan arasında əsrlərdir davan edən qardaşlıq münasibətinin və eyni zamanda sizlərin 104 il bundan öncə etdiyiniz qəhrəmanlıqlar və bizə qoyduğunuz müqəddəs miras sayəsində bu gün də eyni hislərlə hər sahədə yan-yana, çiyin-çiyinəyik. Türkiyə və Azərbaycan torpaqlarının düşmən işğalından azad edilməsi uğrunda canını fəda edən bütün şəhidlərimizi hörmət və ehtiramla yad edirik, - türkiyəli nazir deyib.

Qeyd edək ki, türkiyəli nazir 21-22 sentyabr tarixlərində Bakıda keçirilən Azərbaycan–Türkiyə Səhiyyə Biznes Forumu və Sərgisində iştirak etmək üçün Azərbaycanda səfərdədir.

Türkiyənin səhiyyə naziri Fəxri xiyaban və Şəhidlər xiyabanını ziyarət edib - FOTO
Türkiyənin səhiyyə naziri Fəxri xiyaban və Şəhidlər xiyabanını ziyarət edib - FOTO
Türkiyənin səhiyyə naziri Fəxri xiyaban və Şəhidlər xiyabanını ziyarət edib - FOTO



Twitter Facebook Myspace Stumbleupon Technorati blogger google
420 dəfə oxundu
 



XƏBƏR LENTİ
Loading...