Bu gün avtomobillərin sürüşməsi - 4 qəza baş verib
“Bu gün səhər saatlarından indiyədək Bakı şəhərində 4 yol-nəqliyyat hadisəsi baş verib”.
Bunu AzVision.az-a Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov deyib.
DYP rəsmisi bildirib ki, qəzalar zamanı xəsarət alan olmasa da, avtomobil sahiblərinə maddi zərər dəyib: “Qəzalar avtomobilin sürüşərək digərinə dəyməsi səbəbindən baş verib”.
