İbrahimoviç yenidən Mourinyu ilə eyni komandada ola bilər
İsveçli futbolçu Zlatan İbrahimoviç İngiltərənin “Tottenhem” klubunda çıxış edə bilər.
Oxu.Az Britaniya mətbuatına istinadən xəbər verir ki, London klubu tərəfindən təcrübəli hücumçuya müqavilə bağlamaq təklif olunub.
Halbuki İbrahimoviçin meneceri Rayo Manolanın İtaliyanın “Milan” klubu ilə danışıqlara başladığı artıq hamıya bəllidir.
Qeyd edək ki, “Totenhem”in yeni baş məşqçisi Juze Mourinyu Zlatan İbrahimoviçlə əvvəl bir komandada olub. Portuqaliyalı məşqçi “Mançester Yunayted”i çalışdırarkən İbrahimoviç bu klubda çıxış edib.
