Ağdam təhsilində rəzalət

Ağdam təhsilində rəzalət
Ağdam rayonu Çəmənli kənd sakini Rzayeva Lalə Nəbi qızı tərəfindən ölkə rəhbərliyinə şikayət ərizəsi ünvanlanıb. Bir nüsxəsi də DİA.AZ-a daxil olan müraciətdə deyilir:

"Bildirirəm ki, mən Çəmənli kənd tam orta məktəbində ingilis dili müəlliməsi işləmişəm və yaş senzi ilə əlaqədar müqaviləmə xitam verilmişdir. Qanunvericiliyin tələbinə uyğun olaraq müddətli müqavilə əsasında məktəbdə pedaqoji fəaliyyətimi davam etdirmək üçün Ağdam rayon Təhsil Şöbəsinin müdiri M.Misirxanovaya müraciət etsəmdə mənimlə müqavilə bağlanılmadı. Tələbimlə əlaqədar 2020-ci ilin mart ayında Təhsil nazirinin qəbulunda olub şikayətimi bildirmişəm, ancaq, hələ də mənə cavab verilməyib.

Bildirmək istəyirəm ki, Ağdam Təhsilində və 10 saylı ƏMHM-də özbaşınalıq, vəzifə səlahiyyətlərini aşma, ciddi qanun pozuntusu o hala çatıb ki, vakansiya verilmədən, müəllimə ehtiyac olmadığı halda məktəbə pensiyaçı müəllim götürülüb. Belə ki, mənimlə eyni vaxta Çəmənli kənd orta məktəbində rus dili müəllimi işləmiş Qurbanova Püstə Möhsüm qızı çalışmanın yaş həddinə çatdığına görə 2020-ci ildə əmək müqaviləsinə xitam verilmişdir. Dəhşətlisi budur ki, Qurbanova Püstə Möhsüm qızı ilə onun ixtisası üzrə vakansiya olmadığı halda 2020-2021-ci tədris ilinin yanvarında (ikinci yarım ildə) Pandemiya dövründə M.Misirxanovanın və 10 saylı ƏMHM-nin rəisi Zahid Təhməzovun hesabını verməklə müqavilə bağlanıb. Məlumat üçün bildirirəm ki, həmin rus dili fənni üzrə məktəbdə cəmi 6 saat dərs vardır və Püstə Qurbanova ilə müddətli müqavilə bağlamaq qanuna ziddir və cinayətdir. Ağdam Təhsil Şöbəsinin müdiri M.Misirxanova və 10 saylı ƏMHM-nin rəisi Zahid Təhməzova kim pul verirsə yaşından asılı olmayaraq onunla müqavilə bağlayır. Belə faktlar Ağdam RTŞ-də sadalamaqla bitməz. Xahiş edirəm müraciətimi nəzarətə götürüb cənab Prezidentin tapşırıqlarına, islahatlarına məhəl qoymayan Ağdam RTŞ-nin müdiri və ƏMHM-nin rəisi barəsində ciddi tədbir görəsiniz və mənim iştirakımla Ağdam təhsilində yoxlama aparasınız. Mənim kimi hüquqları pozulmuş onlarla vətəndaşlar da vardır".

İddia olunanlarla bağlı bütün maraqlı tərəfləri dinləməıyə hazırıq...

Twitter Facebook Myspace Stumbleupon Technorati blogger google
76 dəfə oxundu
 



XƏBƏR LENTİ
Loading...